अवयवदान जनजागृती मोहीम ग्रामीण रुग्णालय सावलीचा उपक्रम

सावली प्रतिनिधी रोशन बोरकर

      आरोग्य संचालनालय मुंबई अंतर्गत ग्रामीण रुग्णालय सावली येथे दिनांक ०३ ऑगस्ट ते १५ ऑगस्ट २०२५ पर्यंत अवयव दान अभियान राबविण्यात येत आहे. या अभियाना अंतर्गत आत्तापर्यंत सावली तालुक्यातील ४० व्यक्तींनी अवयव दान करण्याचा संकल्प करून ऑनलाईन नोंदणी केली आहे. 

    या अभियाना अंतर्गत अवयव दान बाबत महत्व पटवून देण्यात देण्यात आले, तसेच शालेय विद्यार्थांच्या सहभागाने जनजागृती रॅली काढण्यात आली. सार्वजनिक ठिकाणी अवयव दानाबाबत चर्चा करून एका व्यक्तीने अवयव दान केल्याने ८ जीवांचे जीवनदान बनू शकते असे पटवून सांगण्यात आले. सदरचा जनजागृतीचा कार्यक्रम चंद्रपूर जिल्ह्याचे जिल्हा शल्य चिकित्सक डॉक्टर महादेव चिंचोळे यांच्या मार्गदर्शनात ग्रामीण रुग्णालय सावलीचे वैदकिय अधीक्षक डॉक्टर हेमचंद्र कन्नाके व कर्मचारी यांच्या उपस्थितीत घेण्यात आले. ग्रामीण रुग्णालय सावली येथे खोली क्रमांक ५ येथे अवयव दानाची ऑनलाईन नोंदणी करण्यात येत आहे तरी याचा सर्व सावली तालुक्यातील नागरिकांनी लाभ घ्यावा असे आवाहन ग्रामीण रुग्णालय सावली यांच्या वतीने करण्यात येत आहे.