मातंग समाजाच्या सामाजिक, शैक्षणिक, आर्थिक, संस्कृतीक विकासासाठी आर्टी ची स्थापना

मालेगाव प्रतिनिधी  जावेद धन्नू भवानीवाले 

 मेडशी दि :8 जाने मातंग समाजाच्या सामाजिक, शैक्षणिक, आर्थिक, सांस्कृतिक असा सर्वांगीण विकास करण्यासाठी अण्णा भाऊ साठे संशोधन व प्रशिक्षण संस्थेची (आर्टी) स्थापना करण्यात आली आहे. या संस्थेची नोंदणी पूर्ण झाली असून, मातंग समाज आणि त्यातील तत्सम जातींच्या उन्नतीकरिता विविध कौशल्य प्रशिक्षण, स्पर्धा पूर्व प्रशिक्षण योजना राबविण्यात येणार आहेत. 

त्यासाठी मातंग समाजातील उमेदवारांनी आपल्या आवडीनुसार स्पर्धा परीक्षा, कौशल्य प्रशिक्षणाचे गुगल फॉर्म भरण्याचे आवाहन आर्टीचे व्यवस्थापकीय संचालक सुनिल वारे यांनी केले आहे. इच्छुक उमेदवारांसाठी https://arti.org.in या आर्टीच्या संकेतस्थळावर नोटीस बोर्डवर गुगल लिंक व स्कॅनर देण्यात आला आहे.