सौदाळा गावची सुकन्या कु.प्रणलला रायफल शूर्टीग मध्ये रौप्य पदक"

19 वर्ष वयोगटात द्वितीय क्रमांक; विभागीय स्पर्धेसाठी निवड

रांजणगांवदेवी ( प्रतिनिधी) अशोक पंडित

अहिल्यानगर जिल्हा क्रीडा परिषद, महानगरपालिका शूटिंग स्पोर्ट्स असोसिएशन आणि इन्फिनिटी स्पोर्ट क्लब यांच्या संयुक्त विद्यमाने आयोजित शालेय जिल्हा रायफल शूटिंग स्पर्धेत सौंदाळा गावची सुपुत्री कु. प्रणल शरद अरगडे हिने 19 वर्ष वयोगटात द्वितीय क्रमांक पटकावला.

अहिल्यानगर जिल्हा रायफल शूटिंग असोसिएशनचे अध्यक्ष श्री. छबुराव काळे यांच्या हस्ते तिला सिल्वर मेडल व ट्रॉफी प्रदान करून सन्मानित करण्यात आले. या वेळी जिल्हा क्रीडा अधिकारी ज्ञानेश्वर खुरंगे आणि महापालिका क्रीडा अधिकारी व्हानसेंट फिलिप उपस्थित होते.

या यशामुळे विभागीय स्तरावर होणाऱ्या रायफल शूटिंग स्पर्धेसाठी प्रणल अरगडेची निवड झाली आहे. तिच्या या यशाबद्दल विविध क्षेत्रांतून अभिनंदनाचा वर्षाव होत असून, ती महावितरण कंपनी, अहिल्यानगर येथे कार्यरत शरद अरगडे यांची कन्या आहे.तिला या यशासाठी ऋषिकेश सर, भापकर सर आणि म्हस्के सर यांचे मार्गदर्शन लाभले.