संत ज्ञानेश्वरांच्या ७५० व्या जयंतीनिमित्त पालखी काढण्यात आली

देगलूर: पंजाबमधील १०० महिला सरपंचांनी तहसीलमधील चालुक्य काळातील येरगी गावास भेट दिली आणि तेथील ऐतिहासिक वारसा आणि प्राचीन स्थापत्य कलेची माहिती घेतली. येरगी येथे आल्यावर ग्रामपंचायत आणि ग्रामस्थांनी केलेल्या स्वागताने पंजाबमधील सर्व महिला सरपंच व अधिकारी भारावून गेले . येरागी स्थापत्य कलेचा व विकासाचा अभ्यास करण्यासाठी पंजाब सरकारने त्यांना यशदा पुणे मार्फत पाठवले होते. 

*संत ज्ञानेश्वर महाराजांच्या पालखी च्या पूजनाने गाव प्रवेश*

 पंजाबच्या सर्व महिला सरपंच व पदाधिकारी हे गावात आल्यावर सर्वप्रथम त्यांच्या प्रमुखांच्या हस्ते संत ज्ञानेश्वरांच्या प्रतिमेचे व पालखीचे पूजन करण्यात आले . संत श्रेष्ठ संत ज्ञानेश्वर महाराजांची ७५० वी जयंती असल्याने पंजाबमधील महिलांना महाराष्ट्राच्या संत परंपरेची माहिती मिळावी म्हणून हा यामागचा उद्देश होता . यावेळी सरपंच श्रीमती संगीता पाटील मठवाले, सरपंच प्रतिनिधी संतोष पाटील यांनी संत ज्ञानेश्वर महाराजांच्या कार्याची माहिती दिली. या पालखी मिरवणुकीत १५० विद्यार्थिनींच्या लेझीम पथकाने, भजनी मंडळाने पालखीसोबत नाचत गावात मिरवणूक काढली. मिरवणुकीदरम्यान, गावातील प्रत्येक घरावर तिरंगा ध्वज फडकताना पाहून पंजाबच्या महिला सरपंच आणि विविध विभागांच्या प्रतिनिधी उत्साहित झाल्या.

*गावाच्या प्रवेशद्वारावर फुलांच्या पाकळ्यांनी स्वागत*

 शुक्रवारी, पंजाबच्या महिला सरपंच सकाळी ११.३० वाजता गावात दाखल झाल्या. येरगी बालिका पंचायत आणि गावातील शेकडो महिलांनी गावाच्या प्रवेशद्वारावर सर्व पाहुण्यांना पुष्पगुच्छ देऊन त्यांचा सन्मान केला. तसेच, बालिका पंचायत ने व गावातील महिलांनी त्यांच्यावर गुलाब आणि इतर फुलांच्या पाकळ्यांची पुष्पवृष्टी केली . या स्वागताने संपूर्ण पाहुणे भारावून गेले होते. 

*पाहुण्यांनी लेझीम पथकासोबत नृत्याचा आनंद घेतला*

गावातील मुख्य हनुमान मंदिराच्या प्रांगणात शालेय मुलींनी विविध देशभक्तीपर गीतांवर लेझीम नृत्य सादर केले. यामुळे प्रोत्साहित होऊन पंजाबमधील पाहुण्यांनी सुद्धा पंजाबमधील भांगडा लोकनृत्य सादर केले आणि ग्रामस्थांची मने जिंकली. तसेच, येरगीच्या रहिवाशांनी देखील त्यांच्यासोबत भांगडा नृत्य सादर केले आणि ग्रामस्थांनी महाराष्ट्रातील विविध लोकगीतांवर नृत्य सादर करून सांस्कृतिक परंपरेचे आदानप्रदान केले. 

*पाहुण्यांच्या हस्ते एक पेड माँ के नाम अभियान अंतर्गत गावात वृक्षारोपण*

येरगी मध्ये एक पेड माँ के नाम अभियान अंतर्गत चालू असलेले वृक्षारोपण अभियानाची माहिती देऊन रस्त्याच्या दुतर्फा पंजाब च्या महिला सरपंचांच्या हस्ते रोपे लावली.यावेळी बालिका पंचायत च्या पदाधिकाऱ्यांनी गावात चालू असलेल्या वृक्षारोपण चळवळीची माहिती सांगितली. 

*ग्राम सचिवालयात कार्यक्रमाचे आयोजन*

सर्व पाहुण्यांचे वाजत गाजत,तिरंगा रॅलीने ,लेझीम पथकाच्या नृत्याने गावात मिरवणुकीची सांगता झाल्यावर ग्राम सचिवालयाच्या सभागृहात कार्यक्रमाचे आयोजन करण्यात आले होते. जिथे ग्रामपंचायतीने सर्व पाहुण्यांचे स्वागत केले. कार्यक्रमाच्या अध्यक्षस्थानी सरपंच श्रीमती संगीता पाटील मठवाले होते. याप्रसंगी गटविकास अधिकारी श्रीकांत बलदे, यशदा पुणे येथील सूर्यकांत गवळे,सरपंच संतोष पाटील, सहाय्यक गटविकास अधिकारी दत्तात्रय कुरुंदे , ग्रामपंचायत अधिकारी राजेश तोटावाड, डॉ. किरण ठाकूर इत्यादी उपस्थित होते.

याप्रसंगी गटविकास अधिकारी श्रीकांत बळदे यांनी प्रास्ताविक केले आणि सरपंच प्रतिनिधी संतोष पाटील यांनी गावाची ऐतिहासिक माहिती दिली. ज्यामध्ये ११ व्या शतकातील चालुक्य राजवंशाच्या शासकाचे येरगी निवासस्थान असल्याची माहिती तसेच गावात असलेले प्राचीन स्थापत्य कलेचे अद्भुत ऐतिहासिक वारसा, शिलालेख, केशवेश्वर मंदिर, सरस्वती मंदिर इत्यादींची माहिती देण्यात आली.

यावेळी बालिका पंचायत ची सचिव महादेवी दाणेवार यांनी बालिका पंचायत द्वारे गावात राबवत असलेल्या विविध योजनांची माहिती दिली. गावातील मुलींच्या सुरक्षेसाठी सरपंच संतोष पाटील यांच्याकडून राबविण्यात आलेल्या कराटे प्रशिक्षण,योग-प्राणायाम,बालविवाह बंदी,गावातील मुली शिक्षणापासून वंचित राहू नये म्हणून करत असलेले प्रयत्न आदींची माहिती दिली. 

*पीपीटीद्वारे दिली गाव विकासाची माहिती*

ग्राम सचिवालयात झालेल्या कार्यक्रमानंतर, पाहुण्यांना गावाची शाळा दाखवण्यात आली जिथे पीपीटीने आजपर्यंत ग्रामपंचायतीने गावात केलेल्या कामांची माहिती दिली. वरील माहितीने सर्व पाहुणे प्रभावित झाले आणि पंजाबला गेल्यानंतर त्यांनी पंजाबमध्ये विशेष मोहिम राबविण्याचा संकल्प केला.

बालिका पंचायतीने राबविलेले दर रविवारी राबविण्यात येणारे स्वच्छता,अभियान, बालविवाह प्रतिबंध , दारू आणि हुंडाबंदीच्या निर्णयाचे कौतुक केले.

बालिका पंचायत राजने गावात चालवलेल्या विविध मोहिमांची माहिती घेतल्यानंतर, दारूबंदी, हुंडाबंदी, मुलींचे शिक्षण, बालविवाह बंदी इत्यादींबाबत त्यांच्याकडून चालवल्या जाणाऱ्या मोहिमांचे कौतुक केले. आणि सर्व महिला सरपंचांनी बालिका पंचायतीला पंजाबला येण्याचे आमंत्रण दिले. अवघ्या तासातच बालिका पंचायत व अन्य महिला पंजाबच्या महिला सरपंचा सोबत मिसळल्या आणि त्यांच्यासोबत सेल्फी काढण्याचा मोह आवरला नाही.

*पंजाबच्या सरपंचांनी पहिले गाव - स्वच्छतेचे केले कौतुक*

पीपीटीची माहिती घेतल्यानंतर सर्व पाहुण्यांनी गावात फेरफटका मारली. त्यांना चालुक्य काळातील सर्व मंदिरे आणि गावात असलेल्या त्यांच्या कलाकृतींची माहिती दिली . गावात भेट देताना त्यांनी गावात दिसणाऱ्या स्वच्छतेचे कौतुक केले आणि गावात दर रविवारी होणाऱ्या स्वच्छता मोहिमेची माहिती घेतली. त्यांना गावात असलेल्या चालुक्य काळातील १८ विहिरी आणि २ बारवांची माहिती मिळाली आणि चालुक्य काळातील पाणीपुरवठा योजनेच्या अद्भुत स्थापत्यकलेमुळे प्रभावित झाले. तसेच, या प्राचीन विहिरींमधील पाणी पिऊन त्यांनी ते अतिशय गोड असल्याचे सांगितले. 

पंजाबमधील १०० महिला सरपंचांनी सकाळी ११.३० ते सायंकाळी ५.३० पर्यंत वेळ दिला आणि गावातील महिलांमध्ये मिसळल्या आणि येरगीहून निघताना त्यांचे डोळे अश्रूंनी भरले. त्यांनी सांगितले की आजपर्यंत आम्हाला इतरत्र कुठेही असे प्रेम,आदर मिळाला नाही.

कार्यक्रम सुरळीत पार पडावा यासाठी मरखेल पोलिसांकडून कडक बंदोबस्त ठेवण्यात आला होता. तसेच आरोग्य विभाग, महावितरण कर्मचारी, कृषी विभाग, तहसील कार्यालय, शाळेतील शिक्षक आणि महिला शिक्षिका मोठ्या संख्येने उपस्थित होत्या.

कार्यक्रम यशस्वी करण्यासाठी सरपंच संतोष पाटील, ग्रामपंचायत अधिकारी राजेश तोटावाड,सर्व ग्राम पंचायत सदस्य ,शालेय शिक्षण समितीचे सर्व पदाधिकारी,बालिका पंचायत चे सर्व पदाधिकारी,शाळेतील शिक्षकवृंद आणि सर्व ग्रामस्थांनी परिश्रम घेतले.