पश्चिम रेल्वेचे खान्देश आणि विदर्भ वासीय प्रवाशांना एक मोठे 'गिफ्ट' दिले आहे! गुजरात आणि ओडिशा या दोन राज्यांना जोडणारी 'उधना–ब्रह्मपूर अमृत भारत एक्स्प्रेस' (Udhna-Brahmapur Amrit Bharat Express) आता आठवड्याचे सातही दिवस तुमच्या सेवेत हजर असणार आहे. पूर्वी ही गाडी फक्त तीन दिवस धावत होती, पण प्रवाशांचा प्रचंड प्रतिसाद आणि वाढती मागणी पाहून आता ती दररोज चालवण्याचा महत्त्वपूर्ण निर्णय घेण्यात आला आहे. कोणत्या प्रवाशांना होणार फायदा?
सुरत आणि आजूबाजूच्या औद्योगिक पट्ट्यात कामासाठी जाणाऱ्या नंदुरबार, धुळे आणि जळगाव जिल्ह्यातील हजारो कामगारांसाठी हा निर्णय अत्यंत दिलासादायक आहे. तसेच विद्यार्थी, व्यावसायिक आणि कुटुंबियांसोबत लांब पल्ल्याचा प्रवास करणाऱ्यांना आता एक विश्वासार्ह, सुरक्षित आणि परवडणारा पर्याय रोज उपलब्ध झाला आहे.
ही एक्स्प्रेस महाराष्ट्रातील नंदुरबार, अमळनेर, धरणगाव, जळगाव, भुसावळ, मलकापूर, अकोला, बडनेरा, वर्धा, नागपूर आणि गोंदिया या महत्त्वाच्या स्थानकांवरून धावते. यामुळे खान्देश आणि विदर्भातील अनेक शहरांना थेट जोडणी मिळाली असून प्रवाशांचा वेळ आणि पैसा दोन्ही वाचणार आहे. काय आहे 'अमृत भारत एक्स्प्रेस'ची खासियत? ही गाडी भारतीय रेल्वेने सर्वसामान्य आणि मध्यमवर्गीय प्रवाशांना केंद्रस्थानी ठेवून सुरू केली आहे.
आधुनिक सोयी: सुधारित स्लीपर व्यवस्था, आरामदायी सीट्स आणि स्वच्छतेवर विशेष भर. परवडणारे तिकीट: 'वंदे भारत' एक्स्प्रेसच्या धर्तीवर आधुनिक सुविधा देऊनही तिकीट दर सर्वसामान्यांना परवडणारे ठेवण्यात आले आहेत. खऱ्या अर्थाने हे सामाजिक-आर्थिक समावेशाचे उत्तम उदाहरण आहे!
असे असेल नवे वेळापत्रक- गाडी क्रमांक १९०२१ (उधना–ब्रह्मपूर): गाडी क्रमांक १९०२२ (ब्रह्मपूर–उधना): आता दररोज चालवली जाईल.
Social Plugin