हायकलने 130 वर्ष जुन्या शाळेचे रूपडे पालटले

 झिराड प्राथमिक शाळेला बेंच,8 टीव्ही, प्रोजेक्टर,व हॅण्ड वॉश स्टँड दिले भेट

अलिबाग (रत्नाकर पाटील)

 जागतिक लाइफ सायन्सेस कंपन्यांचा विश्वासार्ह दीर्घकालीन भागीदार असलेल्या हायकल लिमिटेडने अलिबाग येथील 130 वर्षे जुन्या झिराड येथील जिल्हा परिषद मराठी शाळेत डिजिटल शिक्षणाच्या माध्यमातून ग्रामीण शिक्षण आणि शाश्वत विकासासाठी एक महत्त्वपूर्ण पाऊल उचलले आहे. उत्कर्ष ग्लोबल फाउंडेशनच्या सहकार्याने आणि हायकलच्या ‘सृजन’ या कॉर्पोरेट सोशल रिस्पॉन्सिबिलिटी (CSR) उपक्रमांतर्गत ही संपूर्ण सुधारणा करण्यात आली आहे. सृजन उपक्रमामार्फत कंपनी आपल्या उत्पादन केंद्रांच्या परिसरातील समुदायांसोबत दीर्घकालीन मूल्यनिर्मितीसाठी कार्य करते.

७० नवीन लाकडी बाके,  ८ एलईडी स्मार्ट टीव्ही (४३ इंच) – डिजिटल आणि संवादात्मक शिक्षणासाठी, १ प्रोजेक्टर आणि पडदा – विद्यार्थ्यांच्या कौशल्यविकास उपक्रमांसाठी, १ मल्टीफंक्शन प्रिंटर – प्रशासकीय व शैक्षणिक कामे सुलभ करण्यासाठी,  स्वच्छता आणि आरोग्याच्या दृष्टीने हात धुण्यासाठी शेडयुक्त जागा अशा सुविधा देण्यात आल्या आहेत या सुधारणा शालेय वातावरण अधिक सुरक्षित, आकर्षक आणि सुलभ बनवण्यासाठी असून, त्यामुळे विद्यार्थ्यांची उपस्थिती वाढण्यास आणि शैक्षणिक गुणवत्ता सुधारण्यास मदत होणार आहे होणार आहे.

      या साहित्य वाटप कार्यक्रमास हायकल ग्रुपचे अध्यक्ष जय हिरेमठ, समीर हिरेमठ, उपजिल्हाधिकारी रवींद्र शेळके,  उपशिक्षणाधिकारी सुनील भोपाळे, जिल्हा परिषद माजी सदस्य मानसी ताई दळवी, दिलीप भोईर, चित्रा हिरेमठ, सुगंधा हिरेमठ, संजीवनी नाईक, प्रार्थना भोईर आदी मान्यवर उपस्थित होते

     "आम्हाला नेहमीच वाटते की व्यवसायाचे खरे यश फक्त आर्थिक निकालांत नसते, तर सभोवतालच्या समाजाच्या प्रगतीत असते. झिराडमधील या उपक्रमातून आम्ही ग्रामीण विद्यार्थ्यांच्या क्षमतेची दारे खुली करण्यासाठी एक छोटं पण आशावादी पाऊल उचललं आहे."--जय हिरेमठ, कार्यकारी अध्यक्ष, हायकाल लिमिटेड 

.....

"शिक्षण हीच प्रगतीची खरी शिदोरी आहे. आम्ही सुरक्षित, समावेशक आणि डिजिटलदृष्ट्या सुसज्ज शिक्षण व्यवस्था तयार करून ग्रामीण भागातील शिक्षणातील दरी भरून काढण्याचा प्रयत्न करत आहोत." सन्मित्र समीर हिरेमठ, उपाध्यक्ष व व्यवस्थापकीय संचालक, हायकाल लिमिटेड

......