पिंपरी चिंचवड शहरातील सोसायटीमध्ये गुंड प्रवृत्तीच्या टोळीकडून मारहाण प्रकार

पिंपरी चिंचवड  बद्रीनारायण घुगे 

शहरातील अनेक सोसायट्यांमधे काही स्थानिक गुंडांकडून सोसायटीत येऊन सोसायटी कमिटीचे सदस्य तसेच इतर सदस्यांना मारहाण होत असल्याच्या घटनेमध्ये वाढ झाल्यामुळे योग्य ती कारवाई  करावी अशी मागणी होत आहे 

 पिंपरी चिंचवड शहरातील बऱ्याच सोसायटीमध्ये पिंपरी चिंचवड शहरातील काही स्थानिक गुंडांकडून शहरातील सोसायटी धारकांना तसेच मॅनेजमेंट कमिटी मधील चेअरमन, सेक्रेटरी इतर पदाधिकाऱ्यांना सतत मारहाण केली जात आहे धमक्या दिल्या जात आहेत. आणि या मारहाणीच्या    घटनेबाबत धमक्याच्या घटनेबाबत आपल्या  पिंपरी चिंचवड शहरातील पोलीस स्टेशनला सोसायटी मार्फत तक्रार केली असताना पोलिसांकडून व्यवस्थित तक्रार नोंदवून घेतली जात नाही, त्याची चौकशी व्यवस्थित केली जात नाही. वेळच्यावेळी अशा गोष्टीबाबत आलेल्या तक्रारीची नोंद न घेतल्यामुळे तसेच त्याची चौकशी न केल्यामुळे पिंपरी चिंचवड शहरांमध्ये वारंवार अशा घटना घडत आहेत.

2 मार्च 2024 रोजी पिंपरी येथील महिंद्रा अंथीया या सोसायटीमध्ये या सोसायटीच्या सेक्रेटरीला अशाप्रकारे बाहेरील गुंडांकडून जबर मारहाण झालेली आहे. आणि या मारहाणीच्या बाबत तक्रार केली असताना आपल्या पोलीस प्रशासनाकडून त्यावर लवकरात लवकर योग्य ती कारवाई केली गेलेली नाही.उलट पक्षी ज्यांना मारहाण झाली त्यांचीच चौकशी करून त्यांच्याविरोधात गुन्हे नोंदवण्याचे अजब काम आपल्या पोलीस स्टेशनमध्ये केले जात आहे.अशाच घटना चिखली,मोशी,चऱ्होली ,पिंपरी, पुनावळे, पिंपळे सौदागर, सांगवी , रावेत अशा ठिकाणच्या सोसायटीमध्ये परिसरातील गुंडांकडून सोसायटीमध्ये येऊन मारहाणीच्या घटना घडलेल्या आहेत

 मुंबई पोलीस आयुक्तालयांच्या प्रमाणे आपल्या पिंपरी चिंचवड शहरात देखील  सोसायटीधारकांच्या विविध कायदेशीर समस्या बाबत प्रत्येक पोलिस स्टेशनला एक स्वतंत्र विभाग करण्यात यावा आणि त्यासाठी एका वरिष्ठ पोलीस अधिकाऱ्याची यासाठी विशेष नेमणूक करण्यात यावी जेणेकरून अशा तक्रारीची नोंद घेऊन त्यावर लवकरात लवकर कारवाई करता येईल आणि अशा घटनेला आळा बसेल अशा प्रकरची कारवाई करण्याची आमच्या फेडरेशन कडून आपणाला विनंती करण्यात येत आहे.

तसेच अशा घटना घडल्यानंतर सोसायट्यांकडून आलेल्या तक्रारीवर त्वरित कारवाई करावी अशी मागणी सोसायटी धारकांनी केली आहे

पिंपरी चिंचवड शहरातील बऱ्याच सोसायटीमध्ये असे प्रकार वारंवार घडत आहेत परंतु पोलीस प्रशासन कोणाच्यातरी दबावाखाली येऊन तक्रार नोंदवून घेत नाही किंवा तक्रार नोंदवून घेतली तरी योग कलम लावली जात नाहीत.अशा प्रकारच्या घटना टाळण्यासाठी आणि सोसायटीधारकांच्या संरक्षणासाठी मुंबई शहराप्रमाणेच पिंपरी चिंचवड शहरात देखील प्रत्येक पोलीस स्टेशनमध्ये सोसायटीधारकांच्या समस्यांसाठी एका स्वतंत्र पोलीस अधिकाऱ्यांची नेमणूक करावी जेणेकरून या सर्व गोष्टीचा तपास लवकर होऊन गुन्हेगारास योग्य ती शिक्षा मिळेल. संजीवन सांगळे, अध्यक्ष,चिखली-मोशी-पिंपरी चिंचवड हौसिंग सोसायटी फेडरेशन