शिक्षण

 

*पोराले माह्या गुरूजी

*शिक्षण असं देजा

*माणूस झाला पाहिजे पोरगा

*काळजी जराशी घेजा

*विज्ञान असं शिकवा त्याले

*अज्ञान गेलं पहिजे

*सदेह वैकुंठगमन कथा

*त्यानं नाकारायला पाहिजे

*इतिहासातून त्यानं

*घेतला पाहिजे बोध

*शिवरायांच्या मृत्युचा

*लावला पाहिजे शोध

*सुर्य, चंद्र, तारे

*ग्रहणही दाखवा नीट

*शनिमंगळ नसतो लागत

*बसवा त्याच्या डोक्यात फिट

*आकड़े मोड भुमिती

*करणं शिकवा पटीत

*आयुष्याचं विज्ञानातून

*मांडलं पाहिजे गणित

*ऑनलाइन राहू द्या

*ऑफलाईनच शिकवजा

*शाहू फुले आंबेडकरांचं

*कर्तृत्व त्याले दाखवजा

*नागरिक शास्त्र शिकवताना

*नजरेपुढं ठेवजा संविधानाले

*धर्माआधी असतो माणूस

*समजलं पाहिजे पोराले

श्री रामेश्वर तोंडे (कलाशिक्षक)

जि. प. हायस्कूल, मंगरूळ नवघरे

ता. चिखली. जि. बुलडाणा