जेष्ट तमाशा कलावंत रघुवीर खेडकर यांना २०२६ चा प्रतिष्ठित पद्मश्री पुरस्कार (लोककला क्षेत्र) जाहीर .

यशवंत पवार @ छत्रपती  संभाजीनगर

जेष्ट तमाशा कलावंत रघुवीर खेडकर ( संगमनेर) हे महाराष्ट्रातील एक अत्यंत ज्येष्ठ आणि लोकप्रिय तमाशा कलावंत व फडचालक आहेत. त्यांना २०२६ चा प्रतिष्ठित पद्मश्री पुरस्कार (लोककला क्षेत्र) जाहीर झाला आहे. 'रघुवीर खेडकर आणि कांताबाई सातारकर' या प्रसिद्ध तमाशा मंडळाद्वारे त्यांनी गेली चार दशकांहून अधिक काळ तमाशा परंपरेचा वारसा जपत महाराष्ट्राच्या लोकसंस्कृतीची सेवा केली आहे. 

रघुवीर खेडकर यांचे जीवन व कार्य:

तमाशा सम्राट व सोंगाड्या: खेडकर हे तमाशा रंगभूमीवरील 'सोंगाड्या' (विदुषक) म्हणून प्रसिद्ध असून, त्यांनी आपल्या विनोदी अभिनयाने प्रेक्षकांवर राज्य केले आहे.

पार्श्वभूमी: त्यांचा जन्म संगमनेर येथील एका लोककलावंत कुटुंबात झाला. त्यांनी तरुणपणापासूनच तमाशा क्षेत्रात संघर्ष करत या कलेला प्रतिष्ठा मिळवून दिली.

प्रबोधन व प्रयोग: लोकरंजनासोबतच त्यांनी वास्तव प्रसंगांवर आधारित प्रबोधनपर वगनाट्ये सादर केली आहेत.

योगदान: तमाशा ही अस्सल लोककला टिकवण्यासाठी त्यांनी आयुष्यभर, कठीण परिस्थितीतही (उदा. कोरोना काळ) काम केले.

संघर्ष: तमाशाकडे हिन भावनेने पाहिले जात असताना, त्यांनी समाजात कलाकारांना सन्मान मिळवून देण्यासाठी मोठा संघर्ष केला.

पुरस्कार: पद्मश्रीपूर्वी त्यांना राज्य शासनाचे अनेक प्रतिष्ठित पुरस्कार मिळाले आहेत. 

रघुवीर खेडकर हे केवळ कलाकार नसून लोकसंस्कृतीचे आधारस्तंभ मानले जातात. 

त्यांच्या या पुरस्काराबद्दल कन्नड जि.छत्रपती संभाजीनगर येथील जयकाली सांस्कृतिक मंडळ च्या सर्व सदस्यांच्या वतीने त्यांचे अभिनंदन केले आहे.