सापळी फाट्यावर शेगाव-उमरखेड एसटी बसचा अपघात; ३७ प्रवासी बालंबाल बचावले!

(वाशिम प्रतिनिधी):

उमरखेड आगाराच्या शेगाव-उमरखेड बसला आज दुपारी ३ वाजेच्या सुमारास सापळी फाट्याजवळ भीषण अपघाताचा सामना करावा लागला. सुदैवाने या अपघातात बसमधील ३७ प्रवासी पूर्णपणे सुखरूप असून मोठी जीवितहानी टळली आहे. मात्र, या घटनेत चालक आणि वाहक जखमी झाले असून त्यांना तातडीने रुग्णालयात दाखल करण्यात आले आहे.

नेमकी घटना काय?

मिळालेल्या माहितीनुसार, उमरखेड आगाराची MH 14 BT 4362 क्रमांकाची बस वाशिम वरून उमरखेड कडे येत होती. दुपारी ३ वाजता ही बस सापळी फाट्यावर आली असता हा अपघात घडला. या मध्ये मोटार सायकल ही सापळी वरून भरदाव वेगाने येत होती त्या मोटर सायकलला वाचत असताना व रस्त्याच्या कडेला एक टू व्हीलर व फोर व्हीलर उभी होती अपघातानंतर प्रवाशांमध्ये मोठी घबराट पसरली होती.

वाहतूक नियंत्रकांकडून तातडीची मदत

घटनेची माहिती मिळताच उमरखेड आगाराचे वाहतूक नियंत्रक पांडुरंग यादव यांनी तातडीने घटनास्थळी धाव घेतली. त्यांनी प्रसंगावधान राखून जखमी चालक संजय शिवदास धाये (बिल्ला क्र. ३४७६१) आणि वाहक धनेश्वर भाऊराव थाटबड्वे (बिल्ला क्र. १६०२) यांना तातडीने औषधोपचारासाठी दवाखान्यात हलवले.

प्रवासी सुखरूप

वाहतूक नियंत्रक यादव यांनी प्रवाशांची विचारपूस केली असता, सर्व ३७ प्रवासी सुखरूप असल्याचे समोर आले. घटनास्थळावर प्रवाशांना किरकोळ दुखापत वगळता कोणालाही गंभीर इजा झाली नाही. अपघाताची माहिती मिळताच परिसरातील नागरिकांनीही मदतीसाठी धाव घेतली होती.

घटनेचा तपशील:

बस क्रमांक: MH 14 BT 4362 (आगार - उमरखेड)

वेळ व ठिकाण: दुपारी ३:०० वाजता, सापळी फाटा.

चालक: संजय शिवदास धाये (बिल्ला क्र. ३४७६१)

वाहक: धनेश्वर भाऊराव थाटबड्वे (बिल्ला क्र. १६०२)

प्रवासी संख्या: ३७ (सर्व सुरक्षित)

या अपघातामुळे मार्गावरील वाहतूक काही काळ विस्कळीत झाली होती, मात्र एसटी प्रशासनाने तत्परतेने मदतकार्य राबवून परिस्थिती नियंत्रणात आणली.