एचपी गॅस वितरकाकडून सिलिंडर वाटपात तुडवडा; संतप्त नागरिकांचा गॅस एजन्सीवर प्रश्न चिन्ह

पोंभुर्णा प्रतिनिधी ,अमिन मेश्राम

दिनांक21/04/2026 पोंभुर्णा शहरातील एचपी गॅस वितरकाकडून गेल्या काही दिवसांपासून घरगुती सिलिंडरचा पुरवठा विस्कळीत झाला आहे. वारंवार मागणी करूनही सिलिंडर मिळत नसल्याने ग्राहकांमध्ये तीव्र संताप व्यक्त होत असून, आज संतप्त नागरिकांनी गॅस एजन्सीवर धडक देऊन प्रशासनाचा निषेध केला.

नेमकी अडचण काय?

मिळालेल्या माहितीनुसार, अनेक ग्राहकांनी १५ ते २० दिवसांपूर्वी सिलिंडरचे बुकिंग केले आहे. नियमानुसार ४८ तासांत डिलिव्हरी मिळणे अपेक्षित असताना, आठवडे उलटूनही गॅस घरपोच मिळत नाहीये. एजन्सीमध्ये चौकशी केली असता "मागेलूनच साठा कमी आहे" किंवा "गाडी आली नाही" अशी उडवाउडवीची उत्तरे दिली जात असल्याचा आरोप नागरिकांनी केला आहे.

नागरिकांचे हाल आणि आर्थिक फटका

सध्या लग्नसराई आणि सणासुदीचे दिवस जवळ येत असताना गॅसचा तुडवडा जाणवत असल्याने गृहिणींचे बजेट कोलमडले आहे. अनेक मजुरांना आणि कामगारांना गॅस सिलिंडरसाठी कामावर पाणी सोडून एजन्सीच्या फेऱ्या माराव्या लागत आहेत.

वेळेवर डिलिव्हरी नाही: बुकिंग करूनही १५-२० दिवसांची प्रतीक्षा.

काळा बाजार: अधिकृतरीत्या तुडवडा दाखवून काळ्या बाजारात सिलिंडर विकले जात असल्याची शंका नागरिक व्यक्त करत आहेत.दुसरीकडे इतर तालुक्यात सिलेंडर वाटप सुरळीत असल्याची चित्र दिसुन येत आहे 

उद्धट वागणूक: तक्रार करण्यास गेल्यावर एजन्सी कर्मचाऱ्यांकडून ग्राहकांना उद्धट वागणूक दिली जात आहे.

"आम्ही पंधरा दिवसांपूर्वी पैसे भरून बुकिंग केले आहे. रोज एजन्सीकडे चकरा मारतोय, पण गॅस मिळत नाही. घरी स्वयंपाकाची सोय नसल्याने हॉटेलमधून जेवण मागवावे लागत आहे. प्रशासनाने याकडे त्वरित लक्ष द्यावे."

 त्रस्त ग्राहक,आंदोलनाचा इशारा.

आज सकाळपासूनच शेकडो नागरिकांनी गॅस गोदामासमोर रांगा लावल्या होत्या. मात्र, आजही सिलिंडर उपलब्ध नसल्याचे सांगण्यात आल्याने नागरिकांचा संयम सुटला. संतप्त जमावाने एजन्सीच्या कार्यालयाबाहेर घोषणाबाजी केली. जर येत्या दोन दिवसांत गॅस पुरवठा सुरळीत झाला नाही, तर तहसील कार्यालयावर मोर्चा काढला जाईल, असा इशारा स्थानिक रहिवाशांनी दिला आहे.

याप्रकरणी संबंधित गॅस कंपनीच्या उच्च अधिकाऱ्यांनी हस्तक्षेप करून कृत्रिम टंचाई निर्माण करणाऱ्या वितरकावर कारवाई करावी, अशी मागणी जोर धरत आहे.