📍• विज वितरण कंपनीच्या अकार्यक्षमते मुळे गुंडी शिवारातील शेतकऱ्यांची शेती पडीत राहण्याची शक्यता- प्रा.राजेंद्र पाटील म्हातारमारे

• मौजा गुंडी ता.मानोरा येथील शेत शिवारात विज वितरण कंपनीचे संपुर्ण विद्युत पोल झुकलेल्या अवस्थेत अवस्थेत असल्यामुळे त्यावरील विद्युत तारा ह्या जमिनीपासून अवघ्या ५ फुटापर्यंत खाली लटकलेल्या अवस्थेत असल्यामुळे शेतकरी बांधवांना शेतीची कामे करणे अवघड झाले आहे.शेतात विद्युतच्या जिवंत तारा लटलेल्या असल्यामुळे शेतात मजुर सुद्धा कामे करण्यास येत नाहीत.

• पावसाळा अवघ्या १५ दिवसावर येऊन ठेवला असतांना अजुनपर्यंत शेतकऱ्यांना आपल्या शेताची नांगरणी सुद्धा करता येत नाही कारण नांगरणी ही ट्रॅक्टरने करावी लागत असल्याकारणाने ट्रॅक्टर सुद्धा शेतात टाकता येत नाही.

• याबाबत गुंडी येथील शेतकऱ्यांनी वारंवार वीज वितरण कंपनीच्या अधिकारी आणि कर्मचारी यांना भेटून या परिस्थितीबाबत अवगत करून सुद्धा अद्यापपर्यंत शेतातील विद्युत पोल सरळ करून त्यावरील लटकलेल्या अवस्थतेतील जिवंत विद्युत तारा वर केल्या गेल्या नाहीत.

• अशा परिस्थितीमुळे गुंडी शिवारातील शेतकऱ्यांची उन्हाळी मशागतीचे कामे थांबलेली असल्यामुळे आणि पावसाळा तोंडावर आल्यामुळे यावर्षी वीज वितरण कंपनीच्या कर्मचारी व अधिकारी यांच्या हलगर्जीपणामुळे शेती पडीत राहण्याची दाट शक्यता निर्माण झाली आहे.

• अखेर आज दिनांक १९ मे २०२६ रोजी प्रा.राजेंद्र पाटील म्हातारमारे यांनी वीज वितरण कंपनीच्या अधिकारी यांना भेटून सर्व परिस्थिती त्यांच्या निदर्शनास आणून देऊन त्याबाबत निवेदन दिले असता येत्या दोन दिवसात संपूर्ण काम करून देण्याचे आश्वासन त्यांनी दिले आहे.

• येत्या दोन दिवसात हे काम पूर्ण न केल्यास गुंडी येथील समस्त शेतकरी बांधव वीज वितरण कंपनीच्या कार्यालयासमोर उपोषनाला बसवण्याचा इशारा सुद्धा निवेदनाद्वारे दिला आहे.