जव्हार | प्रतिनिधी – विजय अधिकार (महाराष्ट्र न्यूज ग्रामीण)
जव्हार शहर व तालुक्यात वटसावित्री पौर्णिमा मोठ्या भक्तिभावाने आणि उत्साहात साजरी करण्यात आली. पहाटेपासूनच विवाहित महिलांनी पारंपरिक वेशभूषेत वडाच्या झाडाजवळ एकत्र येऊन विधिवत पूजा केली. वडाच्या वृक्षाला दोरा गुंडाळत प्रदक्षिणा घालून पतीच्या दीर्घायुष्य, उत्तम आरोग्य आणि अखंड सौभाग्यासाठी प्रार्थना केली.
यावेळी महिलांनी सावित्री–सत्यवानाची कथा श्रवण केली तसेच धार्मिक विधी पार पाडले. विविध भागांतील मंदिर परिसर आणि सार्वजनिक ठिकाणी वटसावित्री पूजनासाठी मोठी गर्दी पाहायला मिळाली. उत्सवामुळे परिसरात धार्मिक व भक्तिमय वातावरण निर्माण झाले होते.
वटसावित्री पौर्णिमा हा हिंदू धर्मातील विवाहित महिलांसाठी महत्त्वाचा सण असून, पती-पत्नीतील निष्ठा, प्रेम आणि समर्पणाचे प्रतीक म्हणून हा दिवस साजरा केला जातो. यंदाही जव्हारमध्ये महिलांनी मोठ्या श्रद्धेने हा सण साजरा केला.
Social Plugin