श्री हनुमानगिरी हायस्कूल व ज्युनिअर कॉलेजमध्ये वसुंधरा दिन उत्साहात साजरा

:          बुध  दि . [प्रकाश राजेघाटगे] 

पर्यावरणाच्या संवर्धनासाठी आजच्या युवा पिढीने जागरूक राहून विशेष लक्ष देणे गरजेचे आहे असे विचार श्री सेवागिरी शिक्षण प्रसारक मंडळ पुसेगाव संचलित श्री हनुमानगिरी हायस्कूल व ज्युनिअर कॉलेजचे प्राचार्य  डी. एन. गोफणे  यांनी वसुंधरा  दिना निमित्त मांडले. 

पर्यवेक्षक श्री मोहनराव गुरव  यांनी  भारतीय संस्कृतीतील सणवार साजरा करण्यामागील पर्यावरण संवर्धनाची भूमिका व वैज्ञानिक दृष्टिकोन  आपल्या मनोगतातून व्यक्त केला . 

प्रा. जे. बी. जाधव सर यांनी विविध उदाहरणे देऊन वृक्ष संवर्धन व पर्यावरण पूरक उपक्रमांची माहिती दिली. 

प्रा. सौ स्वाती चव्हाण  यांनी शिक्षक मनोगत व्यक्त केले.

यावेळी वसुंधरा दिनाचे औचित्य साधून निबंध स्पर्धेचे आयोजन व वृक्षारोपण  करण्यात आले.  विविध स्पर्धातील विजेत्या विद्यार्थ्यांना बक्षीस देण्यात आली.

मान्यवरांच्या शुभ हस्ते "माझी   वसुंधरा" या भित्ती पत्रकाचे अनावरण करण्यात आले.

            कार्यक्रमास  शिक्षक, सहकारी व शिक्षकेतर कर्मचारी व विद्यार्थी वर्ग मोठ्या संख्येने उपस्थित होते.

सौ.ज्योती गुरव यांनी आभार मानले.

श्री. राणाप्पा बडचिकर यांनी सूत्रसंचालन केले.